Zorionak eta

SAN SILBESTRE- BURLATA

Urtea korrika egiten amaitzeko aukera asko ditugu. Altsasun, Ultzaman, Donezteben, Olatzen, Iruñean, Lerinen...

BAINA AURTEN ERE, BERTAKO KULTUR TALDE ETA ELKARTEEI ESKER, HERRIAN BERTAN ERE BADUGU AUKERA.

BERAZ, ZU ERE BERTAN IKUSTEA GUSTATUKO LITZAIGUKE. EZ IZAN ALFERRA ETA KENDU HAUTSA BAZTERREAN DITUZUN ZAPATILA HORIEI.

Izena emateko:

http://www.herrikrossa.com

Informazio gehiago:

http://burlatasilbestre.blogspot.com/

GASTEIZ

"En Vitoria hace un frío que pela,

hay hasta quien dice que parece Siberia.

Para calentar vamos a quemar

el Ayuntamiento y la Catedral..."

(POTATOk)

TXANTREAko Eguna

Aurreko urtearena ikusita, ematen du Txantreakoek garaiz enkargatu zutela eguraldia gaurko herri kroserako.

Esan bezala, goiz paregabe honetan, berehala amaitu dira banatu gabe gelditu diren dortsal apurrak. Lasterketa hasi baino tarte bat lehenago 1000. dortsala eman da, eta batek baino gehiago berarik gabe egin behar izan du korrika. Beraz, aurten ere aurreko urteetako marka guztiak hautsi egin dira parte-hartzeari dagokionez.
Herritik koadrila polita bertaratu gara, hango giroaz gozatzeaz gain, hemen urte zaharrean eginen den lasterketarako gonbidapena ere luzatu diegu han bildutako korrikalari guztiei.

TXANTREA

Iruñerrian, eta Nafarroa osoan, ditugun lasterketen artean jendetsuenetariko bat eta benetan herrikoia den froga bat. Guztiz gomendagarria goiza giro apartaz gozatzeko.

Izen ematea jada zabalik honako toki hauetan: Auzotegi, Akelarre eta Atanasio.

Umeen txanda goizeko 10:30etatik aurrera Irubide parkean, eta helduak 12:00etan.

Txantreako Herri Krosaren bloga

TAFALLA

Abenduaren 8an

Goizeko 10:30etan haurren frogak eta 12:00etan helduena.

Izena emateko 948 70 18 11, edo egun berean han bertan.

Informazio gehiago hemen

ESTERIBAR

Esteribarko V. Herri Lasterketa

Euria goitik behera aritzeak jende asko beldurtu bazuen ere, lasterketarako orduan tregoatxo bat izan zen eta bertaratutako lagunek ederki gozatu ahal izan zuten ur eta lokatz putzuetan plisti-plasta eginez.

Malda handi eta amaigabe bat, eta beste bat bezain luzea, bi aldiz igo eta jeitsi ondoren, froga osatzen zuten 8600m. egin zituzten korrikalariek.

Odolki piperrekin eta txistorraz egindako hamaiketako oparo batekin amaitu zen goiza.

Iruzkin bat eta argazki batzuk hemen

ZUBIRI

HILABETEA ONGI AMAITZEKO, HEMEN DUGU ESTERIBAR IBARREKO V. HERRI LASTERKETA, GAINERA ETXETIK OSO GERTU, BERAZ, AITZAKIRIK EZ DUZU.

AZAROAK 29, Goizeko 11etan, ZUBIRIN

Informazio gehiago ESTERIBARKO Udala eta URDI

SAN ADRIAN

SAN ADRIANgo II. HERRI LASTERKETA. AZAROAren 22aren goizan

Izena emateko Udalaren webgunean

IHABAR - IRURTZUN

BURUNDESA SARI NAGUSIA - SAKANAKO MANKOMUNITATEAK ANTOLATURIK

AZAROAK 15a, Goizeko 12etan

Irteera IHABARren - Helmuga IRURTZUNen

IZEN EMATEA ETA INFORMAZIO GEHIAGO HEMEN

BIANA

BIANA, AZAROAK 15a, GOIZEKO 11etan.

MAHASTIEN ARTEKO LASTERKETA

IZEN EMATEA ETA INFORMAZIO GEHIAGO HEMEN

BEHOBIA

LIZUNIAGAko Igoera

URRIAREN 24an, BERAN, LIZUNIAGAKO IGOERA. Arratsaldeko 5etan helduak, ordu bat lehenago txikiak. Izena emateko Herrikrossaren web gunean.

ALTSASU - Onddo Lasterketa

Sakanako Dantzaleku taldeak, bigarren urtez, ONDDO Lasterketa antolatu zuen Altsasun.

Goizeko hamaiketan haur eta gaztetxoen kategoriekin hasi zen proba. Ordu bat beranduago helduon txanda izan zen 140 inguruko lasterkarien parte-hartzearekin. Antolakuntzatik ahalegin berezia egin zuten lasterketan emakumeen presentzia ziurtatzearren.

Lasterketaren ibilbidea herriko plazan hasi eta amaitu bazen ere, honen tarte nagusiena Altsasu eta Urdiainen arteko hariztian zehar egin zen. Toki honen edertasuna da, hain zuzen ere, lasterketaren alde erakargarrienetariko bat. Gainera, eguraldi eguzkitsuak goiza borobiltzen lagundu zuen.

Beste aldetik ere, gure ustez, lasterketa honek berehala lortuko du bere tokia Nafarroan egiten diren herri lasterketen egutegian. Izan ere, antolatzaileek ongi jarri diote “herrikoia”-ren kalifikazioa.

Froga ez zen leihakorra izan, beraz, ez ziren denborak hartu, ezta sailkapenik egin ere. Izen ematea dohakoa zen, sariak ez ziren lehendabizikoentzat izan, baizik eta zozketaren bidez egokitu zitzaionarentzat, eta lasterkari guztiok gure kamiseta jaso genuen, baita mokadutxo bat indarrak berreskuratzeko ere.

Gauzak horrela, onddozale hauek, datorren urtean ere, han izanen gaituzte, ea orduan saskia betzerik lortzen dugun.

LASTERKETAREN ARGAZKIAK HEMEN

ONDDO LASTERKETA

URRIAK 17, GOIZEKO 12etan, ALTSASUko FERIETAN. IZENA EMATEKO HEMEN

ORREAGA-ZUBIRI

Aukera paregabea atzokoa udazkenean sartzeko eta ikasturte berriari ekiteko. Goizeko hamaiketarako prest zeuden Orreagako inguruetan lasterketan parte hartu behar zuten korrikalari guztiak, aurten 900 inguru.

Lasterketaren parte-hartze zabal honek ez du inor harritzen, izan ere, lasterketak oso osagai erakargarriak ditu. Orreaga toki berezia da han ginen askorentzat, gainera eguraldi izugarri ona izan genuen lagun, eta hortik Zubirira dihoan bidearen edertasuna ere ez da nolanahikoa. Hori bai, lasterkariek osagai hauekin gozatzeko parada izateaz gain, sufritzeko tartea ere izan zuten ibilbidearen jeitsiera eta igoerekin.

Zubirira heltzean, antolakuntzak prestatutako harrerarekin korrikalariek erlaxatzeko aukera izan zuten, bertan baitziren masaje-emaileak, freskagarriak, zozketak eta abar. Dena den, hoberena indarrak berreskuratzeko, polikiroldegian egin zen bazkaria izan zen.

Amaitu aurretik, gure zorionak antolakuntzari dena hain lotuta izateagatik eta dena hain ongi egitearren.

ENTRENAMENDUAK

Denboraldi hasierako bileran, entrenatzeko orain arteko ordutegiarekin jarraitzea erabaki zen. Hau da, astearte eta ostegunetan ilunabarreko 8etan, igerilekuen sarreran. Puntualtasunaren garrantzia azpimarratu zen garaiz atera ahal izateko.


En la reunión de comienzo de temporada se decidió seguir con el mismo horario para entrenar. Esto es, martes y jueves a las 8 de la tarde, en la entrada a las piscinas. Se recalcó la importancia de la puntualidad para poder salir a tiempo.

ORREAGA - ZUBIRI

Azkeneko orduan norbait animatuz gero, oraindik ere, dortsalak hartzeko aukera badago herrikrosaren web gunean. Bezperako martxarako ere (oinez egiteko) izen ematea zabalik dago.

BATZARRA-ASAMBLEA

DENBORALDI BERRIRAKO BATZARRA

Axular korrikalari taldearen partaide guztieentzat (elkarteko kide direnentzat, zein ez direnentzat). Orain arte, taldean parte hartu ez duen norbaitek ere gurekin bat egin nahi izatekotan, ateak irekiak izanen ditu.

Irailak 23, asteazkena, arratsaldeko 8:30etan, Axular elkartearen egoitzan

Gai zerrenda:

1- Entrenamenduen ordutegiak eta parte-hartzea.
2- Batzordearen asmoak etorkizunerako.
3- Krosa.
4- Galderak eta iradokizunak.

ASAMBLEA COMIENZO TEMPORADA

Para tod@s l@s participantes en Axular Korrikalari Taldea (sean o no miembros de la sociedad).
Si hay alguien que tiene interés en acercarse al grupo para informarse o formar parte de él, que sepa que tiene las puertas abiertas.

23 de Septiembre, miércoles, 8:30 tarde, locales de sociedad Axular

Orden del día:

1- Horarios y paticipación de entrenamientos.
2- Ideas de la comisión para el futuro.
3- Cross.
4- Preguntas y sugerencias.

PLAZAOLA

IV. MARATOI ERDIA PLAZAOLATIK BARNA
Informazio guztia hemen

ERGOIENA

izen ematea

AGERRA Auzoa - BERA

Aurreko asteburuan, Berako AGERRA auzoak bere bestak ospatu zituen. Egitarauaren barnean, larunbata arratsaldean, XXVIII Kros Herrikoia, “Luis Mª Apeztegia Oroigarria” izenekoa egin zen, eta bertaraino hurbildu ziren Axular Korrikalari Taldeko lagun batzuk.

Egin ohi den bezala, lehenak irteerako lerroan haur eta gazteen kategoriak izan ziren. Esan behar da afizio handia ikusi ahal izan genuela txikien artean, izan ere, helduen txandan baina parte-hartze handiagoa izan zen.

Helduen frogan 5800m.ko ibilbidea korritu behar zen, horretarako Agerra auzoaren kaleetatik eta inguruetako belar soroetatik igarotzen zen zirkuito bat lau aldiz egin behar zen. Zirkuituaren alde nagusiena laua bazen ere, azkeneko tartean malda motza, baina aldapatsua, igo behar zen. Lasterketa hasi aurretik eguzkiak gogoz jotzen zuen arren, azkenean oso giro ederra geratu zen arineketan aritzeko.

Harritu egin zitzaigun Krosa halako auzo txiki batean izanik, zenbat publiko bildu zen, eta zer giro polita sortu zuten.

BERA

AGERRAKO KROSS HERRIKOIA 2009

XXVIII. LUIS Mª APEZTEGIA OROIGARRIA

EGUNA: Abuztuak 29, larunbata

ORDUA: Maila ttikiak: arratsaldeko 6etan

Juniorrak, seniorrak eta beteranoak: arratsaldeko 6:30etan

IZEN EMATEA: Irteeran

MAILAK

Ttikiak	2005. urtetik aurrera jaiotakoak
Aurrebenjaminak	2002, 2003 eta 2004. urteetan jaiotakoak
Benjaminak	2000 eta 2001. urteetan jaiotakoak	400 m
Alebinak	1998 eta 1999. urteetan jaiotakoak	800 m
Infantilak	1997 eta 1998. urteetan jaiotakoak	1.200 m
Juniorrak	1992tik 1996. urtera jaiotakoak	2.900m
Seniorrak	1970tik 1991. urtera jaiotakoak	Emak 2.900 m
		Gizon 5.800 m
Beteranoak	1969. urtea eta lehenago jaiotakoak	Emak 2.900 m
		Gizon 5.800 m

EUGI

Herriko jaien biharamuna gainditzeko astirik izan gabe, Eugiko XVII. Herri krosera hurbildu ziren bertako zenbait lagun.

Lasterketen denboraldia hasteko froga ederra, baina aldi berean nahiko gogorra, dugu Eugikoa. Urtegia inguratzen duen ibilbide honetan lurzoru ezberdinetatik korritu behar du lasterkariak, krosaren hasieran eta amaieran errepidetik, basoaren eremuan berriz, harriz egindako mendiko pista, buztineko bidezidor malkartsuak eta hormigoizko errepide txikiak tartekatzen dira.

Eskerrak, zuhaitzen itzalak, eguzki –printzen zigorraz korrikalariak babesten zituela. Dena den, batek baino gehiagok, itzalarik ez zegoen tarte aldapatsu horietan, jaietan edandako kalimotxo eta garagardo freskoekin oroitu ginen.

Herrira ailegatu eta gero, dutxa “fresko” bat, sari banaketa eta antolatzaileek prestatutako gosari suspergarri batekin amaitu zen goiza.

EUGI

AGOITZ

AGOITZEKO XI HERRI KROSA
"CROSS DE LA COSTRADA"
NAFARROA BEHERA PLAZAN
ABUZTUAK 7, ARRATSALDEKO 18.30etan
KATEGORIA GUZTIAK
IZEN EMATEA: 6€
ASKARIA: ORBAITZETA ETA LUZAIDEKO GAZTA, SAGARDOA ETA KOSTRADA.

MENDI MARTXA 09

Abuztuaren 1ean IRUÑEAn hasi eta 8 eguneko zeharkaldia egin ostean,8an BILBOn bukatuko da aurtengo Mendi Martxa. 200 kilometro, gutxi gora behera, batez beste, 25 egunero.
Izena ematen duten lehen 100 pertsonek izango dute aukera IX" Mendi Martxan parte hartzeko. Beraz ahalik eta azkarren izena ematea komeni da. Aukerak: - Telefonoz deituta: Txiki (615004202) edo Asier (617168968) - Emailez: mendimartxa2009@gmail.com helbidera zure datuak bidali (izen abizenak,tfnoa, herria, asmoak,....ea).
Abuztuak 1 IRUÑA-ASIAIN Abuztuak 2 ASIAIN-ARBIZU Abuztuak 3 ARBIZU-ZEGAMA Abuztuak 4 ZEGAMA-ARRASATE Abuztuak 5 ARRASATE-ELORRIO Abuztuak 6 ELORRIO.DIMA Abuztuak 7 DIMA-LARRABETZU Abuztuak 8 LARRABETZU-BILBO

OPORRAK

Oporrak, vacances, vacacions, عطلة, bakantzak, pushime, holidays, vacanza, atsedena, отпуск, férias, 休暇....


Ez dakigu nola esan behar dizugun zuk ulertzeko eta egin dezazun, baina mesedez, gorde behingoz zapatilak eta emaiezu atsedena uda pasa arte.

MENDI MARTXA - IRATIKO TOURRA

Udako opor egunetan komenigarria, eta beharrezkoa, da atsedena hartzea. Gauza guztietarako astirik badenez, hau da, parranda egiteko, lokuluxka ederretarako, familia eta lagunekin egoteko... tartean gorputza ere pixka bat mugitu beharko da giharrak gehiegi inurritu edo sorgortu ez daitezen.
Urtero bezala, elkartetik bat baino gehiago hurbilduko da ESAITetik antolatzen den mendi martxara. Aurten, txirrindula gustukoa dutenentzat ere zabaldu dute eskaintza.

MENDI MARTXA 09 Iruñea -Bilbo (abuztuaren 1etik 8ra)

IRATIKO TOURRA Maule (uztailaren 5ean)

ASTEBURUAREN ARGAZKIAK

Asteburuan udako etenaldiaren aurreko azken lasterketak egin ziren. Bertan izan ziren korrikalari zintzoenak eta finoenak.
Larunbatean Lantzen, ibilbidearen gogortasunak eta eguzkiaren zamak izerditan jarri zituzten lasterkariak hamaiketakoa egin baino lehen.
Atzo Iruñean, jai giroan, lasterketa motza baina bizitasun handikoa. Behean bi frogen argazki batzuk dituzue.

Lantzeko zenbait argazki

Entzierroaren lasterketaren argazkiak

DONEZTEBE-LANTZ-IRUÑEA

Udaren lehendabiziko eguna izateko oso giro aproposa korrikan aritzeko. Hala baieztatzen digute Donezteberaino hurbildu ziren lagun nekaezin batzuk. Beheko loturetan lasterketaren argazkiak , bideoa eta prentsan agerturiko kronika aurki ditzakezue.

Argazkiak Doneztebe 09

Bideoa Doneztebe 09

Prentsa Doneztebe 09

Hilabetea eta denboraldia amaitzeko, dauden hitzorduen artean, larunbata Lantzeko herrian "Bost Udaletxe" izeneko azkeneko froga dugu. Igandean berriz, Iruñean, San Ferminetarako beroketa egiteko entzierroaren lasterketa, eta beste maila batean, ia soilik profesionalentzat, Camille Extreme Isaban.

DONEZTEBE

Prentsa
Izen ematea

LARRAINTZAR - LIZOAIN - URA - ALDAPA

Aurreko asteburuan oso eskaintza zabala izan dugu herri lasterketen arloan. Gure taldea txikia izanik ere, ongi ordezkatua egon da froga ezberdinetan.

Larunbata goizean, lagun pare bat “Bost Udaletxe” izeneko lasterketen laugarren frogan parte hartzeko Larraintzarreraino hurbildu ziren.

Beste batzuk, berriz, Lizoaingo herrira gerturatu ziren hango krosean korritzeko. Paraje eder horietan arineketan ibiltzeaz gain, hamaiketako eder batekin ere gozatzeko aukera izan zuten.

Burlatatik bertatik igaro zen Uraren III. Krosean ere, ikusi ahal izan zen gure kamiseta laranjaz jantzitako beste bikote bat. Hauek korrika joan baziren ere, garraio publikoa ere maiz erabiltzen dutenez, Veolia enpresako autobusak hartu baino lehen, duinagoak diren beste aukera batzuk ere badirela gogorarazi digute.

Lizoaingo sailkapena Uraren III Krosaren sailkapena

Hiru lasterketa hauetan aritu zirenek eguzki kiskalgarri bat jasan behar izan zuten, beraz, ohikoa dena baino gehiago busti zituzten kamisetak.

Igande goizeko eguraldia, aurreko egunarena bezain itogarria ez bazen ere, ederki berotzen zuen eguzkiak. Eskerrak, Aldapa Peñako kideek antolatutako krosean parte hartu zutenek, tartera Iruñeko alde zaharrean ohi dabilen haize fresko hori izan zutela lagun.

Umeen lasterketak pasa eta gero, helduen txanda izan zen. Alde zaharrak berezko duen kutsu horrek, eta Aldapa peñaren egoitzaren inguruan zegoen giroak, San Ferminak ia gainean ditugula gogorarazi zigun.

Aldapa

IPARRALDEKO JOKU TORNEOA

Pasa den larunbatean, euriaren mehatxupean, Burlatako Udal plazan, Axular elkartearen kultur astean ekitaldien artean Iparraldeko Joku Torneoaren lehendabiziko froga ospatu egin zen.
Hona hemen prentsan agerturiko arratsaldearen kronika.

UDA AURREKO LASTERKETAK

Ekainaren lehenengo asteburuan, hilabetea gogoz hasteko, aukerak soberan. Ekainak 6, goizeko 11etan Legasan Bertizaranako II. Herri Krosa. Egun berean arratsaldeko 5etan eta Iturmendiko Aitzkozar elkarteak antolaturik, V. Herri Lasterketa.Igandean, ekainak 7, ausarten artean, soilik ausartenentzat, Monrealeko I. Xtreme.

“Bost udaletxeko” 4. froga, ekainak 13, Larraintzarren goizeko 11etan. Egun eta ordu berean, Atarrabiako pilategitik aterata, Uraren Herri Krosa, Mendillorrirako III. Igoera. Igandeko goizean, ekainak 14, Iruñan, Aldapa Peñak antolaturik Herri lasterketa goizeko 11etan.

Ekainaren 20an, larunbata, arratsaldeko 18:30etan txikiak eta 19:00etan helduak, Kastejongo udalak antolaturik, Herri Lasterketa. Igandean, berriz, Doneztebeko Krosa

“Bost Udaletxeko” azkeneko froga ekainaren 27an Lantzeko herrian goizeko 11etan. Biharamunean, igandeko goizean, La Jarana peñak antolaturik, Entzierroaren Lasterketa.